Click to enlarge

In dié boek gee twaalf kinders jou 'n intieme kykie in hul alledaagse lewens. Die twaalf kom van verskillende kulturele agtergronde, praat verskillende tale an behoort meestal tot verskillende gelowe. Tog woon hulle almal in dieselfde land: Suid-Afrika.

Hulle word in heeltemal verskillende omstandighede groot, maar elk van dié Suid-Afrikanertjie het dieselfde wens: 'n goeie toekoms. Elkeen het sy of haar eie droom. Mlungesi wil eendag vir Manchester United sokker speel. Avanthi wik en weeg tussen aktrise of mode-ontwerper wees. Warren wéét hy wil 'n wildbewaarder wees, Natasha 'n skoonheidskoningin. Umir mik daarna om renjaer te word en Mohau wil 'n mediese dokter wees. Inge soek avontuur, dalk word sy 'n loods. Fernando se droom is om onderwyser te word. Neela is al klaar 'n goeie danser. As sy groot is, wil Bukekile mense van HIV/Vigs genees. Nkosana gaan 'n suksesvolle sakeman word. Tendani wil, soos Bukekile en Mohau, baie graag siek mense gesond maak.

Intussen het nie almal dieselfde kanse en geleenthede nie. Party ken hartseer en verlies, ander kry finansiëel swaar, maar almal is lief vir die lewe en trots op wie hulle is en wat hulle doen.

Author: Han Lans

ISBN-10: 0795701438
ISBN-13: 9780795701436