Click to enlarge

Die Rooi Boek, soos na hierdie sprokiesboek verwys word, het oorspronklik in 1970 in Afrikaans verskyn en was so gewild dat dit sedertien reeds agt keer herdruk is – in totaal byna 90 000 eksemplare. En hier’s hy nou weer. Hier is al die sprokies en mooi kleurprente waarmee so vele van vandag se grootmense grootgeword het – en nooit sal vergeet nie. Dis die stories wat jou saans bed toe gelok het en waarmee jy leer lees het. En hier is hulle nou almal: Die Skone Slaapster, Die Lelike Eendjie, Sneeuwitjie En Die Sewe Dwergies, Heidi, Aspoestertjie, Jan En Die Boontjierank, Gouelokkie En Die Drie Beertjies, Klein Duimpie en Rooikappie. Plus 14 kleuterrympies deur onder andere Leon Rousseau en E P du Plessis. Alles in lekker Afrikaans, maklik verstaanbaar, maar sonder om kinders se intelligensie te onderskat. Lees dit saans vir die kleingoed voor of laat hulle self hul Rooi Boek van voor tot agter deurlees – en weer lees.

Bydraer(s)/Contributor(s): Human & Rousseau
Illustreerder(s)/Illustrator(s): Mary Smith, Jo Eaves
Samesteller(s)/Compiler(s): Mae Broadley
Vertaler(s)/Translator(s): Pieter W Grobbelaar
Illustreerder(s)/Illustrator(s): Anna Dzierzek
Formaat/Format: Unknown (168 page/s)